Bugun Dubaydagi «Armani Hotel» mehmonxonasida Osiyo Kubogi-2019 musobaqasi uchun qur’a tashlash marosimi o‘tkaziladi.
Qur’a tashlash marosimida O‘zbekistondan ham vakillar ishtirok etadi. Xususan, O‘zbekiston milliy olimpiya qo‘mitasi prezidenti va O‘zbekiston futbol assotsiatsiyasi 1-vitse-prezidenti Umid Ahmadjonov kuni kecha OFK prezidenti Shayx Salmon bin Ibrohim al-Xalifa taklifiga ko‘ra qur’a tashlash marosimida ishtirok etish uchun Dubayga yo‘l oldi.
Ahmadjonov safar davomida Osiyo velosport konfederatsiyasi prezidenti Osama Ahmad Abdulla al-Shafar hamda BAA milliy olimpiya qo‘mitasi rahbari Ahmad bin Muhammad bin Rashid al-Maktum bilan uchrashdi.
Aytish kerakki, kelasi yilda BAAda bo‘lib o‘tadigan musobaqada ishtirokchilar soni kengaytirilib, 24 taga yetkazilgan. Terma jamoalar to‘rtta savatchaga bo‘lingan va har bir savatchada oltitadan jamoa bor. O‘zbekiston — ikkinchi savatchadan joy olgan.
1-savatcha BAA Eron Avstraliya Yaponiya Janubiy Koreya Saudiya Arabistoni
2-savatcha Xitoy Suriya O‘zbekiston Iroq Qatar Tailand
3-savatcha Qirg‘iziston Livan Falastin Ummon Hindiston Vetnam
4-savatcha KXDR Filippin Bahrayn Iordaniya Yaman Turkmaniston
Qur’a tashlash marosimi Toshkent vaqti bilan 20:30ga belgilangan.