Su-24 samolyoti qulashi oqibatida uning har ikkala uchuvchisi halok bo‘lgan. Bu haqda, Sky News’ga asoslanib, «Gazeta.ru» xabar bermoqda.
Avvalroq CNN Turk muxbiri Ezgi Jankurtaran Twitter’dagi sahifasida Suriyada qulagan Rossiyaning Su-24 samolyoti uchuvchilaridan biri halok bo‘lganini ma’lum qilgandi.
24 noyabr kuni tongda Turkiya—Suriya chegarasida Rossiyaning Su-24 samolyoti urib tushirildi. Turkiyaning ta’kidlashicha, samolyot mamlakat havo kengliklarini buzib o‘tgan. Rossiya Mudofaa vazirligining qayd etishicha, Rossiya samolyoti Turkiya hududiga kirmagan.
Rossiya prezidenti Vladimir Putin Su-24 samolyoti qulashini «terrorchilarning sheriklari tomonidan orqadan berilgan zarba» deb atadi.