“Zamin”ni Telegramʻda oʻqing! Join!
Zamin.uz
, 28 2024, 22:43
ЎЗO‘Z

Yaxshilikka yaxshilikmi yoki yomonlik?

21 fev, 10:00 6 360 Hayot tarzi
“Zamin”ni Telegramʻda oʻqing!
Yaxshilikka yaxshilikmi yoki yomonlik? — Yaqinda onamning uzoqroq qarindoshlari uyimizga mehmon bo‘lib kelishdi. To‘rt-besh kun biznikida turib, shahardagi tajribali shifokorlarga ko‘rinishdi, tibbiy tekshiruvlardan o‘tgach, qaytadigan bo‘lishdi. Kutilmaganda kechki payt er-xotinning allanimalar ustida tortishayotgani qulog‘imizga chalindi. Noqulay bo‘lsa-da, ular o‘tirgan xonaning eshigini taqillatib, ichkariga kirdim. Ammo gap nimadaligini eshitib, qotib qoldim. Ularning aytishicha, sumkalaridan pul yo‘qolganmish. Eri: “Biror joyga ishlatgandirsan, eslab ko‘r”, deya xotinini tinchlantirmasin, u, aksincha: “Mening esim joyida, pul mana shu yerda turgandi. Roppa-rosa 500 ming so‘m. Pulni atay uyda qoldirgandim. Kasalxonadagi ishlarimiz bitgach, shu pulga shahardan bozorlik qilib qaytmoqchi edim”, dedi yana tutaqib.

Ayol shunchalar beandishalik qilayotgandiki, og‘iz ochishimga-da, iloj yo‘q edi. Xullas, o‘zimni zo‘rg‘a bosdim va uyimdagi bor pulim — 500 ming so‘mni chiqarib, unga uzatdim-da, “Mana, oling, 500 ming so‘m. Endi darhol chiqib keting”, dedim. Eri xijolat bo‘lib: “Qo‘yavering, aka, xotin zotini bilasiz-ku. Qayergadir ishlatganmi, faqat esidan chiqargan. Siz o‘zingizga olmang, uzr”, dedi. Xotini esa to‘ng‘illay-to‘ng‘illay, narsalarini yig‘ishtira boshladi. Pulni stol ustiga qo‘yib, xonadan chiqib ketdim. To‘g‘risini aytsam, dilim juda og‘ridi. Men ularga uyimdan joy bersam-u, ular rahmat, deyish o‘rniga tuhmat qilsa?!

Ertalab turib qarasam, ular yo‘q. Kechasi ketdimi, kunduzimi, bilmayman. Stol ustidagi pulni ham olib ketishibdi…

Ancha vaqtgacha bu voqeadan siqilib yurdim. Keyinchalik hayot tashvishlari bilan o‘sha voqeani unutgandek bo‘ldim. Biroq bir kuni kechki payt begona kirakash uyimizga kelib: “Sizga omonatingizni olib keldim”, deya bir paket tashlab ketdi. Ochib qarasam, o‘sha o‘zim bergan 500 ming so‘m pul va bir enlik qog‘oz. Xatda: “Agar kechirolsangiz, xotinimni kechiring. U pulni boshqa sumkaga solgan ekan. Uyga kelgach, topildi. O‘zi olib borib, uzr so‘ramoqchi edi. Ming afsuski, kecha undan ayrilib qoldik. Uni kechiring va rozi bo‘ling”, deb yozilgan edi.

Xatni o‘qib, yelkamdan og‘ir yuk olib tashlangandek bo‘ldi, ammo o‘sha kungi voqeani yuragimdan chiqarib tashlolmadim. Eng yomoni, birovga yaxshilik qilishdan, ayniqsa, kimnidir uyga kiritishdan qo‘rqib qoldim.
Manba: Hordiq.uz




Mavzuga oid yangiliklar
  • Oq nondan voz kechganda organizmda qanday o‘zgarishlar yuz beradi? 22 mar, 15:13 313
  • Farzandlar uchun ota va onalarga munosabat haqida 20 mar, 00:12 209
  • Uzoq umr ko‘ruvchi insonlarning 5 ta odati 19 mar, 16:40 475
  • Xurmoning qanday foydali xususiyatlari mavjud? 18 mar, 22:30 318
  • Olimlar xotirani kuchaytiruvchi oddiy mashg‘ulotni aniqladilar 16 mar, 23:43 350
  • Nechanchi farzand bo‘lib tug‘ilish inson shaxsiyatiga ta’sir qiladimi? 16 mar, 16:50 428
  • So'nggi yangiliklar
  • Kirill Budanov: “Rossiya o‘z hududida terakt tayyorlanayotganini kamida bir oy oldin bilgan” 28 mar, 21:56 0
  • Yakuni mavhum bo‘lib borayotgan Ukraina urushi: tarixiy bashorat va yechimlar 28 mar, 21:29 55
  • Jahon banki: O‘zbekiston iqtisodiyotidagi gender tenglik 700 ming odamni kambag‘allikdan olib chiqishi mumkin 28 mar, 21:02 8
  • Mirziyoyev Xitoyning Shinjon-Uyg‘ur avtonom rayoni xalq hukumati raisi bilan uchrashdi 28 mar, 20:40 14
  • Qashqadaryo viloyatida sudya qo‘lga olindi 28 mar, 20:20 80
  • «Tolibon» Moskvadagi terakt tashkilotchilarini yo‘q qilishga va’da berdi 28 mar, 20:00 303
  • Jizzaxda energiya resurslaridan 7,5 milliard qarzdorliklar majburiy undirildi 28 mar, 19:31 24
  • Ukraina xavfsizlik xizmati rahbari: «Savol o‘rinli, ammo biz tan olmaymiz» 28 mar, 19:30 265
  • Surxondaryoda YTHda haydovchi ayol va uning farzandlari halok bo‘ldi 28 mar, 19:08 151
  • O‘zbekistonlik besh nafar hakam Qatardagi U-23 Osiyo kubogida faoliyat olib boradi 28 mar, 18:49 64
  • Korrupsiya darajasi yomon va yaxshi bo‘lgan tashkilotlar e’lon qilindi 28 mar, 18:23 69
  • UzAuto Motors avtomobillaridan biriga shartnoma berishni boshlaydi 28 mar, 18:02 144
  • Bo‘limlar