AQSh IShIDga qarshi kurashish taktikasini o‘zgartiradi va uning neft infratuzilmasini yo‘q qiladi. Bu haqda «Gazeta.ru» Pentagon rahbari Eshton Karterning ma’lumotiga tayanib xabar beradi.
«O‘zimizning ishtirokimiz qoidalarini o‘zgartirishga tayyormiz. Biz benzin tashuvchi avtomobillar bilan bo‘lgan holat kabi taktikani o‘zgartirdik», — deydi Karter.
Uning so‘zlariga ko‘ra, tinch aholining neft sohasi bilan mashg‘ul bo‘lganligi sababli AQSh bu kabi ob’ektlarga hujum qilishdan saqlanib kelgan. Biroq Parijdagi teraktlardan so‘ng, AQSh o‘zining qarorini o‘zgartirishga qaror qildi. Chunki terrorchilar daromadining asosiy qismini aynan ushbu sohadan kelayotgan mablag‘lar tashkil etadi.