Kecha, 13 fevral kuni Toshkent shahar Yakkasaroy tumanidagi Bobur ko‘chasida 1980 yilda tug‘ilgan haydovchi A.Sh.M. hushyor holatda «Leksus» avtomobilini haydab ketayotib, boshqaruvni yo‘qotgan va yo‘l chetidagi daraxtga borib urilgan.«Xabar.uz» manbasining xabariga ko‘ra, yo‘l-transport hodisasi oqibatida haydovchi tan jarohatlari olib, Respublika shoshilinch tibbiy yordam ilmiy markaziga olib ketilayotgan vaqtda vafot etgan.
Voqea soat 19:35 lar atrofida sodir bo‘lgan, o‘sha vaqtda yo‘lning qatnov qismi tekis, asfalt qoplamasi qoniqarli, lekin ho‘l va sirpanchiq ahvolda edi. Yo‘l chiroqlari ham ishlayotgan bo‘lgan.