Bugun, 6 fevral kuni O‘zbekiston Prezidentining yoshlar siyosati masalalari bo‘yicha Davlat maslahatchisi – O‘zbekiston Yoshlar ittifoqi markaziy kengashi raisi Qahramon Quronboyev fuqarolarni qiziqtirgan barcha savollarga javob beradi, deb xabar qiladi O‘zA.Muloqotda qatnashish erkin.
Muloqotda O‘zbekistonda yoshlarga oid davlat siyosatining bugungi holati, O‘zbekiston Yoshlar ittifoqining faoliyati, istiqboldagi rejalari haqida ma’lumot beriladi.
Jonli muloqotni O‘zbekiston Yoshlar ittifoqining Facebook’dagi rasmiy sahifasida onlayn kuzatib borish, shuningdek, savollar, murojaatlar va takliflarni yo‘llash mumkin.