Ozarbayjon prezidenti Ilhom Aliyev 11 aprelda navbatdan tashqari prezidentlik saylovlari o‘tishini belgiladi. Aslida ovoz berish 2018 yilning oktyabrida bo‘lib o‘tishi kerak edi. Prezident bayonotida nima uchun saylovlar o‘tadigan sana o‘zgartirilgani aytilmagan.Aliyev – xukmron partiyadan Ozarbayjon prezidentliga nomzod sifatida ko‘rsatildi, deb yozmoqda Tnews.uz sayti.
2016 yilda Ozarbayjonda Konstitutsiyaga o‘zgartish kiritishga bag‘ishlangan referendum bo‘lib o‘tdi. Mamlakat bosh hujjatiga jami 29ta qo‘shimcha kiritildi.
Kiritilgan o‘zgartishlardan biri prezident vakolatlarini besh yildan yetti yilga uzaytirish bo‘ldi. Mamlakatning amaldagi rahbari 54 yoshli Aliyev 2003 yildan beri prezident lavozimini egallab keladi. U prezidentlikni bemor otasidan qabul qilib olgan va uch marta bo‘lib o‘tgan prezidentlik saylovlarida ( 2003y, 2008 y va 2013 y.) g‘alaba qozongan edi. Uning amaldagi prezidentlik muddati 2018 yilda yakunlanishi kerak edi.
Yana bir qo‘shimchaga binoan mamlakatda ikkita vitse-prezident lavozimi ta’sis etildi. Har ikki vitse-prezident prezident tomonidan tayinlanadi va ishdan bo‘shatiladi, birinchi vitse-prezident esa mamlakatdagi ikkinchi rahbar deya tan olinadi. Prezident o‘z vazifasini bajara olmay qolgan taqdirda parlament tomonidan tayinlanadigan bosh vazir emas, balki birinchi vitse-prezident prezident vakolatlarini qabul qiladi.
2017 yilda Aliyev o‘zining rafiqasi, Majlis deputati Mehriban Aliyevani Ozarbayjon birinchi vitse-prezidenti lavozimiga tayinladi.