Fransiya polisiyasi Parijga qarashli Sen-Deni shaharchasida o‘tkazgan maxsus operasiya yakunlandi. So‘nggi ma’lumotlarga ko‘ra, terrorchilikda gumon qilinayotgan etti kishi qo‘lga olingan. Bu haqda «Gazeta.ru» xabar berdi.
Sen-Denidagi operasiya bir necha soat davom etdi. Uning davomida bir nafar mahalliy fuqaro nobud bo‘ldi, besh nafar polisiyachi yaralangan. Ikki yoki uch nafar jinoyatchi, jumladan, o‘zini portlatib yuborgan xudkush ayol halok bo‘lgan.
Mazkur guruh Fransiya poytaxtida yangi terakt amalga oshirishga tayyorgarlik ko‘rgani va 13 noyabrdagi hujumlarga aloqador bo‘lgani taxmin qilinmoqda.
Manba: Daryo.uz