Mazkur yili 68 yoshga to’lgan va go’zallik borasida har qanday yosh aktrisalarni ortda qoldiradigan Meril Strip 21 bor “Oskar” mukofoti nomzodiga aylanib, bu boradagi mutlaq rekordchiga aylandi. Xabarda aytilishicha, Meril Strip “Mahfiy hujjatlar” filmidagi roli bilan “Yilning eng yaxshi aktrisasi” nomiga da’vogarlik qilmoqda. Aktrisa ushbu filmda AQSH hukumatiga qarshi borib, Pentagonga tegishli mahfiy hujjatlarni chop etgan Washington Post noshiri rolini o’ynaydi.
Aktrisa esa ushbu yangilikni quyidagicha izohladi:
“Men uchun aynan bu kartinani mazkur nominatsiyada taqdim etish katta sharaf – o’z ovozi va faoliyati bilan tarixga ta’sir ko’rsatgan OAV hamda ayollar erkinligi himoyasini olib chiqqan mazkur filmni juda yaxshi ko’raman”.
Eslatib o’tamiz, aktrisa shu kunga qadar uch bor "Oskar” va 8 marta “Oltin globus” mukofotini qo’lga kiritgan.