Mashhur AnTuTu mobil ilovalar dasturchilari o‘tgan yil sarhisobi bo‘yicha eng ko‘p soxtalashtirilgan smartfonlar ro‘yxatini e’lon qildi. Tadqiqotlarga ko‘ra 2017 yilda 17 424 726 ta gadjet yuklangan bo‘lib, ularning 2,64 foizi boshqa brend qurilmalarining ko‘chirmasidir. Eng ko‘p ko‘chiriladigan brend Samsung bo‘lib chiqdi.2017 yilda chiqqan klonlarning taxminan 36,23 foizi Samsung ning turli qurilmalari ko‘chirmalari bo‘lgan. Ikkinchi o‘rinda 7,72 foiz bilan Apple qurilmalari turibdi. Keyingi o‘rinlar 7,75 foiz bilan Xiaomi, 4,46 foiz bilan OPPO va 3,4 foiz bilan Huawei ga tegishli. Shuni ta’kidlash joizki, chakana savdoda qalbaki mahsulotlar bilan kurashni xitoylik brendlar o‘tgan yili boshlagan edi.
O‘tgan yilning eng ko‘p nusxa olingan qurilmasi Galaxy S7 Edge ning yevropa versiyasi bo‘lgan. Ikkinchi o‘rinda Galaxy S7 Edge ning xitoy versiyasi, uchinchi o‘rinda esa Galaxy S7 turibdi.
Apple ning eng ko‘p ko‘chirilgan smartfoni iPhone 7 Plus bo‘lgan.