Mutlaq jangchilar chempionati (UFC) prezidenti Deyna Uayt rossiyalik Xabib Nurmagomedov va amerikalik Toni Fergyuson o‘rtasida yengil vazn toifasidagi jang g‘olibi chempionlik kamarini qo‘lga kiritishini tasdiqladi. Bu haqda Kun.uz xabar bermoqda.«Men shunday degandim, Fergyuson - Nurmagomedov jangi g‘olibi mutlaq chempionga aylanadi. Menda boshqa yangiliklar hozircha yo‘q.
Konor Makgregorda qachon qaytishi bo‘yicha aniq qaror yo‘q, - u bir avgustda, bir sentyabrda qaytishini aytmoqda. Bu ikki yildan beri davom etyapti, biroq vazn toifasi rivojlanishi lozim», - deya aytib o‘tdi Uayt.
Aralash yo‘nalish (UFC) bo‘yicha rossiyalik jangchi Xabib Nurmagomedovning fikricha, amerikalik Toni Fergyusonni qadning rostlangan vaziyatida ham mag‘lub etishi mumkin.
«Men kurashchi va greppler emasman, men Tonini qadning rostlangan vaziyatida ham yer tishlatishim mumkin. Bu Tonining vaqti emas, bu Xabibning davri. Tiramisu ancha orqada qolgan», - deya aytib o‘tdi Nurmagomedov.
Jang Bruklindagi UFC 223 musobaqasi doirasida 7 aprel kuni bo‘lib o‘tadi.