Rossiyalik senator Aleksey Pushkov Donald Tramp hamda Kim Chen Inning yadro quroli doirasidagi poygasini sharhlarkan, Amerika rahbari nihoyat Shimoliy Koreyaga tan berganini bo‘yniga olgani haqida alohida to‘xtalib o‘tdi.— Bu ikki rahbar, — dedi Pushkov. — Bugunga kelib kimning yadro qurolini ishga tushiradigan tugmachasi katta ekani boisida bahslasha boshlashdi. Shuning bilan Tramp Kim Chen In hukumatiga tan berganini oshkor qilib qo‘ydi. Bu esa Kim Chen Inning xalqaro siyosat maydonidagi ilk g‘alabasi deb atash mumkin…
Haqiqatan, yaqinda Donald Tramp navbatdagi chiqishlaridan birida Amerika yadro quroli tugmachasi juda kuchli va katta ekanini qistirib o‘tgandi. Unga javoban Kim Chen In Shimoliy Koreyaning yadro tugmachasi hamisha stoli ustidaligi, jahlini chiqaraversa, Tramp o‘z yadro quroli tugmachasigacha yetishga ulgurmay qolishini ta’kidladi.