Beeline ICTNEWS axborot hamkorligida “Evraosiyo mobil kubogi” (Eurasia Mobile Challenge) halqaro mobil ilovalar tanloviga ishtirokchilarni ro‘yhatdan o‘tkazish vaqti uzaytirilgani haqida xabar beradi.
Voqeani sharhlar ekan, Unitel‘ning jamoatchilik bilan aloqalar xizmati rahbari Oraz Abdurazakov shunday dedi: “Bugungi kunda O‘zbekistondan tanlovda ishtirok etish uchun ro‘yhatdan o‘tgan guruhlar soni 50dan oshdi. So‘ngi payt mobaynida dasturga bo‘lgan katta qiziqish uyg‘ongani sabab, ro‘yhatdan o‘tish muddatini uzaytirish haqida qaror qabul qilindi. Shunday qilib, biz eng ko‘p sonli ishtirokchilarga o‘z iqtidorlarini namoish etishlari uchun imkon beramiz”.
30 oktyabr kuniga qadar O‘zbekistonda mobil ilova joriy qilgan har bir mutaxassis www.eurasiamobilechallenge.com saytida ro‘yhatdan o‘tib, 2016 yilning yanvar oyida Moskvada bo‘lib o‘tadigan birinchilikning hududiy bosqichiga uch yo‘llanmadan birini olishi mumkin. Hududiy bosqich g‘olibi I, II va III o‘rin uchun mos ravishda umumiy narxi $20 000, $15 000 va $10 000 mioqdoridagi pullik sovrinlar va devayslarni qo‘lga kiritadi.
Tanlov ishtirokchilarining ishlari har bir ishtirokchi-mamlakatning soha ekspertlari tomonidan novatorlik, muhimlik, universallik va noyoblik mezonlari bo‘yicha baholanadi. Tanlovning finali 2016 yilning fevral oyida Barselonadagi Mobile World Congress doirasida bo‘lib o‘tadi.