6 noyabr kuni Toshkentdagi Grand plaza mehmonxonasida xonanda Bahrom Nazarovning 10-11 noyabr kunlari “Istiqlol” san’at saroyida bo‘lib o‘tadigan “Shukrona” nomli konsert dasturi oldidan matbuot anjumani o‘tkazildi, deb xabar bermoqda Kun.uz sayti. Matbuot anjumanida Bahrom Nazarov jurnalistlarni qiziqtirgan barcha savollarga ochiq-oydin javob berdi.
Xususan, u “chet el xonandasi Silva Xakobyaning qo‘shig‘ini kuylab ta’zirimni edim” deydi.
"O‘zbekistondagi viloyatlar bo‘ylab o‘tkazilgan “Unutilmas kunlar” nomli konsert dasturi haqida to‘xtalib, faqatgina Samarqand viloyatidagi amfiteatrni to‘ldira olmadim, boshqa barcha viloyatlarda konsert dasturimiz ko‘nglimizdagidan ham ortiq bo‘ldi. Xorazm va Qaraqalpog‘istonda bo‘lib o‘tadigan konsert dasturiga ulgura olmadik. Ammo “Istiqlol” san’at saroyidagi konsert dasturini o‘tkazib olganimizdan so‘ng, albatta bu erdagi muxlislarimiz bilan diydor ko‘rishishga harakat qilamiz. “Unutimas kunlar” nomli gastrol konsertimizdagi o‘zimizga ishonch tufayli “Istiqlol” san’at saroyida ham ikki kun konsert berishni niyat qildik", deydi xonanda.
Matbuot anjumanidan so‘ng Nazarov barcha jurnalistlar va muxlislarini konsert dasturiga taklif qilib qoldi.