Qirg‘izistonda O‘zbekiston madaniyati kunlari davom etmoqda. O‘zbekiston Respublikasi Madaniyat vazirining birinchi o‘rinbosari Ozodbek Nazarbekov va Qirg‘iziston Respublikasi madaniyat, axborot va turizm vaziri Tugelbay Kazakov o‘rtasida rasmiy uchrashuv bo‘lib o‘tdi. Bu haqdagi videolavhani «O‘zbekiston 24» taqdim etdi.
Uchrashuvda tomonlarning madaniyat sohasidagi rivojlanishlar, davlatlarning o‘zaro madaniy aloqalarini kengaytirish, hamkorlikni mustahkamlash borasida fikrlar almashildi. Xususan, ikkala davlatda madaniyat kunlarini doimiy ravishda o‘tkazib borish, sohaga oid rejalar haqida so‘z bordi. Uchrashuv samimiy ruhda bo‘lib o‘tdi.