Oliy liganing 21-turidan o‘rin olgan "Bunyodkor" - "Neftchi" (2:0) uchrashuvidan keyin tashkil etilgan matbuot anjumanining birinchi qismida mehmonlar ustozi Vadim Abramov ishtirok etdi.- O‘yinni qanday ta’riflashga ham hayronman. Nima deb izoh berishni ham bilmayman. Biz umuman futbol o‘ynamayapmiz. Jamoamiz raqibga umuman qarshilik ko‘rsatmayapti, kurash taklif etmayapti. Biz o‘zimiz yutqazib beryapmiz.
Bizga g‘alaba yetishmayapti. Futbolchilarimiz bir-birlariga to‘p uzatishga qo‘rqishmoqda. "Neftchi" raqibni o‘yin bilan qiyin holatga tushirish uyoqda tursin, ularga bemalol futbol o‘ynash uchun sharoit yaratib bermoqda. Biz to‘p uchun kurashmayapmiz. To‘p bizga kelib qolgan taqdirda ham tezlik bilan uni raqibga qaytarib bermoqdamiz.
"Bunyodkor"ga qarshi o‘yin meni so‘nggi imkoniyatim edimi? Balki ketarman, balmadim. Buni rahbariyat hal qiladi. Jamoaga yordam berish uchun kelgandim. Lekin vaziyat kundan-kunga yomonlashib bormoqda. Rostan ham balki ketganim ma’quldir.
Boshqa murabbiy kelib vaziyatni yaxshilashi uchun hozircha fursat yetarli. Iste’fo har daqiqa bo‘lishi mumkin. Buni klub rahbariyati hal etadi.
Manba: championat.asia