Fransiyaning Nigeriyadagi elchisi Shampan Labrioll Nigeriya hukumati noqonuniy qurollarni tashiyotganlikda gumon qilib qo‘lga olgan Rossiyaga tegishli An-124-100 yuk tashuvchi samolyotiga parvozni davom ettirishga ruxsat bergani haqida ma’lum qilgan, Bu haqida «Vesti.ru»ga asoslanib «Kun.uz»
xabar bermoqda.
6-dekabr kuni ushbu samolyot Markaziy Afrika Respublikasidan Chadga uchayotganida, Kano shahridagi Nigeriya aeroportiga qo‘nishga majbur bo‘lgan, nigeriyaliklar samolyot yukxonasidan ikki dona harbiy vertolyot topishgani haqida
xabarlar tarqalgan edi.
Ma’lumotlarga ko‘ra, bu samolyot yukxonasidan chiqqan ikki vertolyot harbiy maqsadlar uchun emas, qutqaruv xizmatlari ko‘rsatuvchi kichik “Gazelle” vertolyotlari bo‘lgan.
Endilikda, bortida ikki nafar fransuz harbiylari va 12 nafar rus ekipaji bo‘lgan ushbu samolyot Chad poytaxti Njamenuga erkin parvoz qilishi mumkin.
Eslatib o‘tamiz, 2013 yilda MAR poytaxtida xristianlar jangarilari va “Seleka” nomli mahalliy qaroqchilar guruhi o‘rtasida katta to‘qnashuv yuz bergan, natijada 600 dan ortiq kishi halok bo‘lib, 159 mingdan ortiq tinch aholi uylarini tashlab ketishga majbur bo‘lgan edi. Bu voqeadan keyin, BMT MAR hududiga 1200 nafarlik fransuz harbiy qismini hamda 3600 nafarlik boshqa afrikalik harbiylarni nazoratni ta’minlash uchun joylashtirishga qaror qilgan edi.
Foto: Global Look Press / Kun