Bugun Germaniyaning Gamburg shahri mezbonlik qilayotgan boks bo‘yicha jahon chempionati yarim final bellashuvlariga start berildi.Ushbu musobaqaning eng yengil vazn toifasida (49 kg) ringga ko‘tarilgan hamyurtimiz Hasanboy Do‘smatov navbatdagi jangini Rio-2016 finalidagi raqibi kolumbiyalik Yuberjen Martinesga qarshi o‘tkazdi.
O‘ziga xos ushbu revansh jangida hamyurtimiz katta ustunlik bilan raqibini mag‘lub etdi - 5:0.
Shu tariqa, Hasanboy ushbu jahon birinchiligida final chiqqan ilk o‘zbekistonlik bokschiga aylandi.
Endi bokschimiz kubalik Yoanis Argilagos bilan oltin medal uchun bahs olib boradi.
Manba: sports.uz