Rossiya terma jamoasi nogironlar-amputantlar o‘rtasida o‘tkazilgan jahon chempionatida bosh sovrinni qo‘lga kiritdi.
Meksikaning Kuliakan shahrida 8 kun davomida bo‘lib o‘tgan musobaqaning finalida ruslar Angolaga qarshi bahs olib borishdi va 3:1 hisobida g‘alaba qozonishdi. Shuningdek, rossiyalik Igor Jilin 10ta gol bilan turnir to‘purariga aylandi.
Uchinchi o‘rin uchun bahsda Polshani mag‘lub etgan Turkiya terma jamoasi bronza medalini qo‘lga kiritdi.
Xabaringiz bor, uch karra jahon chempioni hisoblangan O‘zbekiston terma jamoasi chorak finalda Angolaga yutqazib qo‘ygandi (0:1).