Madridning «Real» klubi sobiq bosh murabbiyi Karlo Anchelotti hujumchi Krishtianu Ronaldu yangi mavsumda ham eng yaxshi to‘purar bo‘lishiga ishonishini aytib o‘tdi.
«Men bunga mutlaqo shubha qilmayman. Krishtianu Ronalduni yaxshi bilaman va u yangi mavsumda ham Ispaniya chempionatining eng yaxshi to‘purari bo‘lishi haqida bahslashishim mumkin.
O‘tgan yili, men «Real» bosh murabbiyi bo‘lib turganimda u umumiy hisobda 61 ta gol urdi. Bu juda hayratlanarli. U va Lionel Messi dunyo futboli tarixidagi eng buyuk futbolchilar qatoriga kiradi. Ispaniyaning omadi kelgan, bu futbolchilarning o‘yinini jonli ko‘radi», - deydi murabbiy.