Kim bilandir gaplashganda siz unga o‘z nuqta-nazaringizni etkazasiz. Aytadiganingiz hamsuhbatingizga foydasi tegsa, e’tibor qozonasiz. Har bir kishida shaxsiy mafaat bor va u birinchi o‘rinda turishini yodingizdan chiqarmang.Murosali bo‘ling. E’tibor qozonishning eng oddiy yo‘li – muzokara. Birovga fikringizni majburlab uqtirmang.
Odamlarga ta’sir etishning asosiy kaliti – ularga aralashish. Qancha chiqishimli bo‘lsangiz, qarashlaringizni yoqlaydiganlar shuncha ko‘payadi.
Boshqalar bilan muntazam munosabat o‘rnatishingiz ishontirishingizga bog‘liq. Buning uchun esa sizda o‘shanga nisbatan ishtiyoq kuchli bo‘lishi kerak.
Kimnidir o‘zingizga bog‘lanib qolishini istasangiz, uni suhbatingiz bilan mahliyo eting. Bunda samimiy bo‘lishingiz juda muhim va hurmat ko‘rsatish ham e’tiborga olinadi. Oddiy, lekin g‘ururli bo‘ling. O‘zini sevgan va hurmat qilgan odamni barcha yoqtiradi.
Pul ko‘p masalani hal etadigan vosita ekanini yaxshi bilasiz. Saxiy bo‘ling. Tulov usuli bilan masala tez va oson hal bo‘ladi. Uning birgina kamchiligi Sizga qimmatga tushishida.
Dunyoqarashingizni aniqlab oling va unga qat’iy amal qiling. Fikringiz o‘zgarishini sezishsa, gapingizga ishontirolmaysiz.
Bilmagan narsangiz haqida gapirmang. Aravani quruq olib qochgan hech kimga yoqmaydi.
Asos bilan gapiring, fikringizni dalil bilan isbotlang. Masalaning mohiyatini yaxshi bilgan odamning gapiga quloq osadilar.
Tinglashni bilgan yaxshi suhbatdosh, degan aqidani bilsangiz kerak. Eshitish munosabatlarning samarali bo‘lishini ta’minlash bilan birga atrofdagilarning e’tiborini ham tortadi.
Ishonch bilan gapirsangiz, odamlar quloq solishadi. Tanlagan yo‘lingizning to‘g‘riligini tekshirgan bo‘lsangizgina shu yo‘ldan yurishni odamlarga ishontira olasiz.
Gapingizni o‘zgalar eshitishini isitaysizmi, unda avval ular fikrini hurmat qilishni o‘rganing.
O‘zingizni aqlli, ishonchli va mullohazali kishi sifatida ko‘rsatgan bo‘lsangiz, odamlar sizga ishonadi va fikringizga qo‘shiladi. Ana shunda obro‘ va e’tiborga erishasiz.
O‘z nuqtai nazaringizga boshqalarni ishontirish uchun uzoq vaqt kerak. Shuning uchun juda sabrli bo‘lishingiz talab etiladi.
Nohaq ekaningizni anglasangiz, iqror bo‘ling. Odamlar xatolarini tan olgan kishini adolatli va halol kishi deb hisoblashadi.
Nima deyishingizdan qat’iy nazar, aytadigan gapingizda maqsad bo‘lishi shart. Uni aniqlab olgan taqdirdagina gapingiz ishonchli chiqadi.
Ishontirish gapirish uslubingizga ham bog‘liq. Bu boradagi mahoratni esa tajribadan olasiz. Faqat shu orqali uslubingizni mukammalashtirishingiz mumkin.
Nuqta-nazaringizni tasdiqlash uchun dalillar kerak bo‘ladi. Tadqiq bilan unga erishasiz.
Odamlarga ma’qul bo‘lishni istasangiz, xushchaqchaq bo‘ling. Odamlar xushfe’l va quvnoq kishilarni yoqtirishadi.
Odamlar bir-birining fikrini e’tiborga olishadi. Qo‘llab-quvvatlash bilan o‘zgalarning hurmati va ishonchini orttirasiz.
«Marhamat», «rahmat» so‘zlarini ko‘proq va muloyimlik bilan ishlating. Iltimos bilan ish tez bitadi.
Ana shu tavsiyalarni amalga oshirsangiz, odamlarga ta’sir etish mahoratini egallagan bo‘lasiz. Lekin undan hech qachon yomonlik uchun foydalanmang.
Manba: mulohaza.uz