Google kompaniyasi har oy Nexus liniyasidagi smartfonlar va planshetlarning xavfsizligini oshiruvchi yangilanmalarni chiqarishini e’lon qildi. Ushbu e’lon Android’ning rasmiy blogida joylashtirildi. Ushbu qaror Android’da ishlovchi 95 foiz qurilmaga, ya’ni milliardga yaqin smartfon va planshetga noqonuniy kirish imkonini beradigan Stagefright modulining zaifligi haqidagi axborotning paydo bo‘lishi bilan bog‘langan. Kompaniya barcha hamkorlariga tegishli tuzatishlarni yubordi va smartfonlar uchun bu kamchilikni yopuvchi yangilanmani chiqardi.
Samsung kompaniyasi ham shunday bayonot bilan chiqdi va har oy smartfonlar xavfsizligini oshiruvchi yangilanmalar chiqarishni rejalashtirmoqda.