Shuhrat Mutalov Toshkent kimyo-texnologiya instituti rektori etib tayinlandi.
Mutalov bungacha mazkur institutda o‘quv ishlari bo‘yicha prorektor lavozimida mehnat qilib kelayotgan edi.
Institut saytidagi ma’lumotlarga ko‘ra, Shuhrat Mutalov texnika fanlari nomzodi, dosent. U shu institutning bitiruvchilaridan biri bo‘lib, bu erda o‘qishni tamomlaganidan — 2001 yildan beri ishlab keladi.
Eslatib o‘tamiz, institutning avvalgi rektori Sadriddin Turobjonov bir oy avval Islom Karimov nomidagi Toshkent davlat texnika universiteti rektori etib tayinlangan edi.