«Mosgortrans» Rossiya poytaxt Moskva shahri avtojamlanmalarida ishlash uchun O‘zbekistonda haydovchilar o‘rtasida tanlov o‘tkazilayotganini rad etdi, deb ma’lum qiladi Kun.uz.15 may, dushanba kuni O‘zbekiston mehnat vazirligi o‘zining «Facebook»dagi sahifasida Rossiya poytaxtida avtobus haydovchilari uchun 1000 ta bo‘sh ish o‘rinlariga tanlov o‘tkazilayotganini e’lon qilgan edi. (Bu e’lon yuzasidan Kun saytida ham xabar berilgan edi).
«Mosgortrans» davlat unitar korxonasi O‘zbekistonda haydovchilar tanlovi o‘tkazishga aloqador emasligi ma’lum qilgan, deb yozadi RIA novosti. Bugungi kunda kompaniya haydovchilarining 50 foizi Moskva megapolisi vakillari bo‘lsa, yana 40 foizi Rossiya Federasiyasi sub’ektlaridan kelishgan», — degan dushanba kuni RIA Novosti nashriga «Mosgortrans» matbuot xizmati.
Kompaniya matbuot xizmatining qayd etishicha, korxonada moskvalik hamda Rossiya hududlaridan kelgan haydovchilarning soni tobora ortmoqda, shu sababli so‘nggi uch yil ichida xorijlik haydovchilarning ulushi 23 foizdan 10 foizgacha kamaygan.
Matbuot xizmatidagilarning eslatishicha, Moskvadagi barcha er usti transport vositalarining haydovchilari «Mosgortrans» o‘quv-kursantlik kombinati bazasida o‘qishadi va tayyorgarlikdan o‘tishadi. 2017 yilning 1 iyulidan boshlab esa Rossiya hududida yo‘lovchilar tashish bilan faqat RF namunasidagi haydovchilik guvohnomasiga ega bo‘lgan shaxslargina shug‘ullanishlari mumkin.