Joriy yil 3 aprel kuni qabul qilingan O‘zbekiston Respublikasi Vazirlar Mahkamasining “Xorijiy davlatlarda ta’lim olganlik to‘g‘risidagi hujjatlarni tan olish va nostrifikasiyalash (ekvivalentligini qayd etish) tartibi to‘g‘risida nizomga o‘zgartirish va qo‘shimchalar kiritish haqida”gi qaroriga muvofiq, endi bir necha holatlarda hujjatlarni nostrifikasiyalash maxsus sinovlarsiz, to‘g‘ridan-to‘g‘ri amalga oshirilishi haqida xabar bergan edik deb yozmoqda Qalampir.uz sayti.Davlat test markazi mazkur qarorga bir qator aniqliklar kiritib, joriy etilgan yangi qoidalar hamda nostrifikasiyalash amalga oshirilganda rasmiylashtirib beriladigan guvohnomalarning davlat namunasini tasdiqlagan edi.
Davlat test markazining xabar berishicha, O‘zbekiston Respublikasi Vazirlar Mahkamasining 2017 yil 3 apreldagi “Xorijiy davlatlarda ta’lim olganlik to‘g‘risidagi hujjatlarni tan olish va nostrifikasiyalash (ekvivalentligini qayd etish) tartibi to‘g‘risidagi Nizomga o‘zgartirish va qo‘shimchalar kiritish haqida”gi 173-sonli Qaroriga asosan, xorijiy davlatlarda ta’lim olganlik to‘g‘risidagi hujjatlarni nostrifikasiyalash to‘g‘ridan-to‘g‘ri (maxsus sinovlarsiz) amalga oshiriladigan holatlar kengaytirildi.
Xususan, xalqaro tan olingan tashkilotlarning oliy ta’lim muassasalari reytingida birinchi 500 talik ro‘yxatiga kiritilgan, Oliy va o‘rta maxsus ta’lim vazirligi hamda Davlat test markazining qo‘shma qarori bilan ro‘yxati tasdiqlangan quyidagi oliy ta’lim muassasalarida ta’lim olgan bitiruvchilarning diplomlari to‘g‘ridan-to‘g‘ri (maxsus sinovlarsiz) nostrifikasiyalash amalga oshirilishi belgilandi:
QS - Quacquarelli Symonds
ARWU - The Academic Ranking of World Universities
THE - Times Higher Education