Osiyo chempionatining 75kg vazn toifasidagi yarim finalchilari ma’lum bo‘ldi.“O‘zbekiston” sport majmuasida Boks bo‘yicha Osiyo chempionati chorak final bahslarining 75kg vazn toifasidagi bokschilarning janglari nihoyasiga etdi. Unda 75kg vazn toifasidagi yarim finalchilar ma’lum bo‘ldi. Janglarni filippinlik Eumir Marsial va o‘zbekistonlik Isroil Madrimov juftligi yakunlab berdi, deb yozmoqda Kun.uz nashri.
So‘nggi jangda, hakamlar qaroriga ko‘ra, Isroil Madrimov g‘alaba qozondi va musobaqada ishtirokini davom ettirish bilan birga Jahon chempionati yo‘llanmasini qo‘lga kiritdi. Madrimov mazkur musobaqa yarim finalida qozog‘istonlik Abilxon Amankul bilan kuch sinashadi.
Ushbu vazn toifasida, shuningdek, hindistonlik Krishan Vikas hamda janubiy koreyalik Dongyun Li ham raqiblarini mag‘lub etib yarim final yo‘llanmasini qo‘lga kiritishdi.