MARS yopiq ilmiy-texnik konferensiyasida Amazon rahbari Jeff Bezos ulkan Method-2 nomli robotni sinovdan o‘tkazdi. Bu haqda «Daryo» nashri xabar bermoqda.Odam shaklidagi ulkan robot Janubiy Koreyaning Hankook Mirae kompaniyasi mahsuloti sanaladi. Jeff Bezosning sinovdan ko‘ngli to‘ldi.
«Nima uchun men o‘zimni Sigurni Uiverdek his qilyapman?», — deb Bezos hazillashdi. (1986 yil ekranlarga chiqqan «Begonalar» filmida Uiverning qahramoni robotni boshqargandi. Xuddi shunday robotlar «Avatar» (2009) filmida ham ko‘rinish beradi. Ikkala filmga ham Jeyms Kemeron rejissyorlik qilgan).
Robot hozircha ishlanma bosqichida turibdi. U odam borishi mushkul bo‘lgan hududlarda ishlatilishi rejalashtilmoqda.
Method-2 dizaynini «Aslahali arhov» va «Transformerlar: qirg‘in davri» filmlari qahramonlari ustida ish olib borgan rassom Vitaliy Bulgarov ishlab chiqdi.