Spirtli ichimliklar ichish, fohishalik bilan shug‘ullanish va fohishaxona saqlash, giyohvand moddalarni iste’mol qilish va ular savdosi bilan shug‘ullanishni hech bir jamiyat, hech bir xalq, hech bir millat oqlamaydi.9-16 mart kunlari Toshkent shahar Ichki ishlar bosh boshqarmasi tomonidan fohishaxona saqlash va qo‘shmachilik qilish, fohishalik bilan shug‘ullanish, jamoat joylarida spirtli ichimliklar iste’mol qilinishini oldini olish maqsadida, o‘tkazilgan profilaktik tadbirlar davomida 13 ta fohishaxona saqlash va qo‘shmachilik qilish jinoyatlari aniqlangan, deb yozadi Qalampir.uz sayti.
Ushbu ishlar yuzasidan O‘zbekiston Respublikasi Jinoyat kodeksining 131-moddasi, ya’ni fohishaxona saqlash va qo‘shmachilik qilish alomatlari bilan jinoyat ishlari qo‘zg‘atildi.
Hafta davomida 39 nafar fohishalik bilan shug‘ullanib kelayotgan ayol qo‘lga olingan.
Jamoat joylarida spirtli ichimlik iste’mol qilgan 624 nafar shaxslarga nisbatan ma’muriy ta’sir choralari ko‘rildi.