“Zamin”ni Telegramʻda oʻqing! Join!
Zamin.uz
, 03 2021, 20:27
ЎЗO‘Z

10 ming so‘mlik banknotlar 10 martdan boshlab muomalaga chiqariladi

03 mar, 19:10 16 095 O‘zbekiston
“Zamin”ni Telegramʻda oʻqing!
10 ming so‘mlik banknotlar 10 martdan boshlab muomalaga chiqariladi 10 martdan boshlab O‘zbekiston Respublikasi Markaziy banki qiymati 10 ming so‘m bo‘lgan banknot ko‘rinishidagi yangi pul belgilarini muomalaga chiqaradi. Bu haqda «Gazeta.uz» xabar berdi.

Yangi banknotlar, ayni paytda muomalada bo‘lgan pul belgilari va tangalar bilan bir qatorda, barcha xo‘jalik yurituvchi sub’ektlar va aholi tomonidan o‘z qiymati bo‘yicha barcha turdagi to‘lovlar uchun hech qanday cheklovlarsiz qabul qilinishi shart.

Qiymati 10 ming so‘m bo‘lgan pul belgilari 144×78 mm o‘lchamdagi himoyalangan qog‘ozda tayyorlangan. Banknotning o‘ng tarafidagi keng oq rangli sathda O‘zbekiston gerbi va «10000» raqami ko‘rinishida suv belgisi mavjud. Oq rangli sathning chap tarafidan qog‘oz qatlamida «darcha» va 3D effektli yuzaga chiqib, ichkariga botuvchi himoya ipi o‘tkazilgan.

Banknot old tomonining yuqori qismida «O‘ZBEKISTON RESPUBLIKASI MARKAZIY BANKI» yozuvi mavjud. Chap qismida naqshinkor elementlar fonida O‘zbekiston gerbi tasvirlangan. Gerbning pastki qismida ettita raqamli nomeri bilan ikki lotin harfidan iborat seriyasi joylashgan.

Naqshinkor ramkaning o‘ng va chap burchaklarining quyi qismida, shuningdek gerbning o‘ng tarafida «10000» raqami tasvirlangan bo‘lib, banknotning qiymatini bildiradi. Gerbning o‘ng tarafidagi «10000» raqami ustiga yirik harflar bilan «SO‘M» so‘zi yozilgan. Ushbu tasvir tepasida banknot qiymati so‘z bilan «O‘N MING» ko‘rsatilgan.

Naqshinkor ramkaning pastki qismida «O‘ZBEKISTON SO‘MI RESPUBLIKA HUDUDIDA HAMMA TO‘LOVLAR UCHUN O‘Z QIYMATI BO‘YICHA QABUL QILINISHI SHART» yozuvi joylashgan.

Banknotning to‘q ko‘k rangli naqshinkor ramkasi, «O‘ZBEKISTON RESPUBLIKASI MARKAZIY BANKI» yozuvi, gerb, o‘ng va chap tomondagi «10000» raqamlari bo‘rtib turadi, ushlab ko‘rilganda seziladi.

Oq rangli sathda joylashgan «10000» raqami tepasida banknotning nomeri va seriyasi takror ko‘rsatilgan.

Oq rangli sathning yuqori qismida qiyalik burchagining holatiga qarab rangini o‘zgartiruvchi va ushlab ko‘rilganda bilinadigan bo‘rtib turuvchi, tilla-bronza rangli sakkiz qirrali naqsh mavjud.

Naqsh tepasida banknot chiqarilgan yil: «2017» ko‘rsatilgan.

Banknotning orqa tomoni chap qismidagi oq rangli sathda suv belgilari ko‘rinadi. Oq rangdagi sathning yuqori va pastki qismlarida ko‘k va binafsha rangda ishlangan naqshinkor bezaklar joylashgan bo‘lib, pastki bezak ustida «10000» raqami aks ettirilgan.

Banknotning markazida Oliy Majlis Senati me’moriy binosi, bino gumbazining tepasida O‘zbekiston Respublikasining rangli bayrog‘i tasvirlangan.

Tasvirning yuqori chap burchagida bir-birini kesib o‘tuvchi «10000» va «SO‘M» yozuvlari mavjud bo‘lib, ularning tepasida banknotning qiymati so‘z bilan «O‘N MING» ko‘rsatilgan.

Pastki qismida «O‘ZBEKISTON SO‘MINI QALBAKILASHTIRISH QONUNGA MUVOFIQ TA’QIB QILINADI» matni joylashgan.

Ushbu matnning ikki tomonida «10000» raqamlari, shuningdek banknotning eng yuqori qismida «O‘N MING SO‘M» yozuvi aks ettirilgan.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Markaziy bank 100 ming soʻmlik kupyuralar chiqishi haqidagi xabarlarni yana bir bor rad etdi 25 sen, 18:34
  • 50 va 100 so‘mlik tangalar va 50, 100, 200 va 500 so‘mlik banknotalar muomaladan qaytarib olinadi 21 мая, 20:25
  • Davlat xavfsizlik xizmatining bayrog‘i va gerbi bilan tanishing 14 mar, 22:58
  • 22 avgustdan qiymati 50 000 so‘m bo‘lgan yangi pul banknoti muomalaga chiqariladi 14 avg, 17:38
  • O‘zbekistonda 10 ming so‘mlik banknot muomalada (Foto) 10 mar, 21:56
  • O‘zbekistonda 10 000 so‘mlik banknot chiqarilishi kutilmoqda 21 fev, 11:22
  • So'nggi yangiliklar
  • Oila va xotin-qizlarni ijtimoiy qo‘llab-quvvatlash sohasida amalga oshirilgan islohotlar haqida 03 mar, 19:32 66
  • Mahalla institutini takomillashtirish sohasida amalga oshirilgan islohotlar haqida 03 mar, 19:00 100
  • Prezidentning yangi farmoni: Ipoteka bo‘yicha 45 mingta uy-joylar quriladi 03 mar, 18:43 192
  • Viloyatlarda quriladigan uy-joylar soni va narxi ma’lum qilindi 03 mar, 18:28 451
  • Oliy ta’lim: Uchinchi Renessans poydevori yaratilmoqda 03 mar, 18:00 146
  • Behzod Musayev boshchiligida ijtimoiy sohadagi natijalar bo‘yicha ochiq muloqot o‘tkazildi 03 mar, 17:27 156
  • DXX «yerfurush»larni ushladi (video) 03 mar, 17:00 389
  • O‘zbekistonda dollarning rasmiy kursi 10 500 so‘mdan pastladi 03 mar, 16:30 169
  • Yaqin yillarda suv ostida qoladigan shaharlar 03 mar, 15:51 1 048
  • Sanjayning «ishi» bo‘yicha sud xodimlariga nisbatan xizmat tekshiruvi o‘tkaziladi 03 mar, 15:23 547
  • Shahram va Shohjahon harakat qiladigan vazn toifasi mutlaq chempionligi uchun kechadigan jang sanasi ma’lum bo‘ldi 03 mar, 14:54 503
  • Ramzan Qodirovning 30 yoshli qarindoshi Grozniy shahar meri lavozimiga tayinlandi 03 mar, 14:25 343
  • Bo‘limlar