Pokistonning Lahor shahrida payshanba kuni portlash ro‘y berdi, olti kishi halok bo‘ldi, 15 nafardan ortiq inson jarohatlandi, deb yozmoqda Kun nashri.Taxminiy ma’lumotlarga ko‘ra, portlash ertalabki vaqtlarda tijoriy binolardan birida yuz bergan, u qisman zarar ko‘rdi. Xabar qilinishicha, portlash shu qadar kuchli bo‘lganki, yaqin oradagi uylar derazalari ham sinib ketgan.
Polisiya portlash sabablarini o‘rganishga kirishdi. Qutqaruv xizmati vakillarining xabar berishicha, generator portlab ketgan.
Shu bilan bir qatorda, terakt sodir etilgan ham bo‘lishi mumkinligi aytilmoqda.