2016 yil yakunlariga ko‘ra Turkiya aholisi 2015 yilga nisbatan 1 mln 73 ming 818 kishiga ko‘payib, 79 mln 814 ming 871 kishini tashkil qildi. Bu haqda Turkiya statistika boshqarmasi ma’lumotiga tayanib Kun.uz yozmoqda.Hozirda Turkiyada erkaklar 40,436 mln nafarni (50,2 foiz), ayollar 39,771 mln (49,8 foiz) nafarni tashkil qilmoqda.
Turkiyada aholi ko‘payishi o‘rtacha ming kishiga 13,5 kishini tashkil qilgan.
Turkiyaning shahar aholisi bir yil ichida 2015 yildagi 92,1 foizdan 92,3 foizgacha o‘sgan.
Turkiyaning 18,5 foiz aholisi Istanbulda yashaydi. Bu megapolis aholisi soni 2017 yil 1 yanvarda 14 mln 804 ming 115 kishini tashkil qilgan.
Eng kam aholi Tunjeli viloyatida yashab, 82 193 kishini tashkil qiladi.
Turkiya aholisining o‘rtacha yoshi 2016 yilda 31 yoshdan 31,4 yoshgacha o‘sgan.
Turkiyada aholi o‘rtacha zichligi bir kvadrat kilometrga 104 kishini tashkil qilmoqda.