Germaniya aholisi soni rekord miqdordagi muhojirlar oqimi hisobiga ortib bormoqda. Mamlakat federal statistika boshqarmasi ma’lumotlari shundan dalolat bermoqda, deya xabar beradi «Daryo».O‘tgan yil oxiriga kelib Germaniyada 82,8 million kishi istiqomat qilgan. 2015 yil so‘ngida bu raqam 82,2 million kishini tashkil etgandi. 2016 yili mamlakatga kelgan muhojirlar soni esa 750 ming kishidan iborat bo‘lgan.
Germaniyada qochoqlar o‘rtasidagi ishsizlik darajasi mintaqalarga qarab 40 dan 80 foizgachani tashkil etmoqda. Muhojirlar oqimi mamlakatda ishsizlik darajasi 1,5 foizga oshishiga olib kelgani bildirilmoqda.