Urugvayda tashkil etilgan kimoshdi savdosida Rim papasi Fransisk ishlatgan iPad 4 30,5 ming dollarga baholandi. Bu haqda El Observador xabar bermoqda.iPad 4 uchun shuncha pul to‘lagan xaridor o‘z shaxsini oshkor etmagan, lekin uning argentinalik ekani aytilmoqda. Sotuvdan tushgan mablag‘ Urugvaydagi maktablardan birini rivojlantirish uchun yo‘naltiriladi.
Mal’um bo‘lishicha, kimoshdi savdosida ning boshlang‘ich narxi 20,5 ming dollarga baholangan, 4 minut ichida uning narxi 25 ming dollarga etgan. Keyin bu buyum uchun asosan ikki talabgor o‘rtasida kurash kechgan va narx 30,5 ming dollarga etganida bolg‘a urilgan.
Ma’lumot uchun, ushbu aypad Rim papasining urugvaylik do‘sti, rohib Gonsalo Aemilyus tomonidan sotuvga qo‘yilgan. U 2013 yilda papaning qasamyod qilish marosimini kuzatish uchun Rimga borganida Fransisk unga o‘z aypadini sovg‘a sifatida berib, yaxshi maqsadda ishlatishini tilagan.
Biroz oldinroq, Rim papasiga tegishli bo‘lgan Harley-Davidson motosikli kimoshdi savdosida 241,5 ming dollarga sotilgani xabar qilingan edi.
Manba: www.kun.uz