Toshkent shahar Shayhontohur tuman ichki ishlar boshqarmasiga 28 yoshli xususiy tadbirkor murojaat qilgan, deya xabar bermoqda O‘zbekiston IIVning matbuot xizmati.Ma’lum bo‘lishicha, tadbirkor Lacetti avtomashinasida o‘tirgan vaqtida oldiga noma’lum shaxslar kelib, uni urib, tan jarohati etkazib katta miqdordagi pullarini tortib olgan va voqea joyidan yashiringan.
Tuman ichki ishlar boshqarmasi xodimlari tomonidan olib borilgan tezkor tadbirlar natijasida ushbu talonchilik jinoyatini mahalliy aholiga mansub 6 nafar fuqaro sodir etgani to‘liq fosh etildi va ular qo‘lga olindi.
“Ularning uch nafari muqaddam sudlangan shaxslar ekanligi aniqlandi. Mazkur holat bo‘yicha jinoyat ishi qo‘zg‘atilib, hozirda tergov harakatlari olib borilmoqda”, – deyiladi vazirlik xabarida.
Manba: www.kun.uz