Osiyo Chempionlar ligasi guruh bosqichining 4-turida Qarshining "Nasaf" klubi Dubayning "Al-Ahli" jamoasiga qarshi o‘yinda maydonga tushdi.Aytish kerakki. ushbu uchrashuvda qarshiliklar raqib darvozasini ishg‘ol etish uchun qator imkoniyatlarga ega bo‘lsa ham, buning uddasidan chiqa olmadi.
Aksincha, raqib futbolchisi Everton Rebero yo‘llagan zarba Erkin Boydullaevga tegib, o‘z yo‘nalishini o‘zgartirdi va Suyunov qo‘riqlayotgan darvozaga borib tushdi.
"Nasaf" o‘yinning qolgan daqiqalarida vaziyatga o‘nglash uchun harchand urunmasin, buning uddasidan chiqa olmadi va hisob ana shu ko‘rinishda nihoyasiga etdi.
Endi Berdiev shogirdlarining taqdiri ko‘p jihatdan o‘zlariga bog‘liq bo‘lmay qoldi.
OChL, Guruh bosqichi, 4-tur
"Nasaf" - "Al Ahli" 0:1
Gol: Rebero, 82
"Nasaf": Eldorbek Suyunov, Shuhrat Muhammadiev, Maqsud Karimov, Hamza Karimov, Farruh Sayfiev, Erkin Boydullaev, Roy Rok, Sherzod A’zamov, Bahrom Abdurahimov, Artur Gevorkyan, Ilhom Shomurodov.
"Al-Ahli" Dubay: Ahmad Ashuriy, Abdulaziz Sanqur, Volid Abbos, Habib al-Fardan, Abdulaziz Haykal, Eysa Santo, Ahmad Halil, Usama al-Sayidi, Kvon Kyung, Majid Xasan, Luis Ximenes.
Manba: www.uff.uz