«O‘zbeknavo» estrada birlashmasi xonanda Shohjahon Jo‘raevning lisenziyasini to‘xtatilgani sababi ma’lum qilindi, deb xabar bermoqda «Uz24.uz».Birlashmaning lisenziya bo‘limi boshlig‘i Odiljon Abduqaxxorov «Sayyod.com»ga ma’lum qilishicha, Shohjahon Jo‘raev xorijga chiqishdan avval «O‘zbeknavo»ni ogohlantirib ketmagan. Shu sababli lisenziyaning amal qilish muddati to‘xtatilgan.
Xonandaning o‘zi bunday tartib haqida bilmasligini, hatto eshitmaganini aytgan. U Rossiyaga tug‘ilgan kunga ketganini, shunchaki paytdan foydalanib bepul konsert berganini qo‘shimcha qilgan. «Aytmay ketganimga jazo qo‘llashdi, endi bilib oldim aytib ketish kerakligini», − deydi Shohjahon Jo‘raev.
Manba: www.daryo.uz