Kecha, 5 oktyabr kuni O‘zbekiston Respublikasi Tashqi ishlar vaziri Abdulaziz Kamilov boshchiligidagi delegasiya Bryussel shahrida Afg‘oniston bo‘yicha xalqaro konferensiyada ishtirok etdi. Bu haqda O‘zbekiston Respublikasi Tashqi ishlar vazirligi Matbuot xizmati xabar bermoqda.100dan ortiq mamlakatlar, jumladan Afg‘onistonga qo‘shni davlatlarning vakillari hamda qator xalqaro tashkilotlar rahbarlari taklif qilingan “Farovonlik va tinchlik uchun sherikchilik” deb nomlangan forum ishtirokchilari 2017-2020 yillarda Afg‘oniston hukumatiga siyosiy va ijtimoiy-iqtisodiy islohotlarni amalga oshirish uchun ko‘mak, xususan moliyaviy yordam berish masalalarini muhokama qildilar.