Meksikada bo‘lib o‘tayotgan nogironlar o‘rtasidagi jahon chempionatida O‘zbekiston terma jamoasi braziziliyalik amputantlar termasini ham mag‘lub etdi, deb yozadi Stadion.uz.Terma jamoamiz "A" guruhining 3-turida braziliyaliklarga qarshi bahs olib bordi va 3: 0 hisobida g‘alaba qozondi. Dastlabki golni Abdujamil Shukurov o‘z hisobiga yozib qo‘ydi. Ikkinchi gol esa burchak to‘pidan keyin kiritilgan bo‘lsa, uchinchi golni vakillarimiz raqib himoyasining xatosidan so‘ng kiritdi.
Natijada, barcha o‘yinlarda g‘alaba qozongan O‘zbekiston terma jamoasi guruhda 1-o‘rinni egalladi.
Eslatib o‘tamiz, guruhning avvalgi turlarida Ukraina va Irlandiya terma jamoalari mos ravishda 10: 0 va 6: 1 hisoblarida tor-mor qilingan edi.
Manba: Kun.uz