AQSh prezidenti Barak Obama Turkiya prezidenti Rajab Toyib Erdo‘g‘an bilan 4 sentyabrda uchrashadi. Bu haqda Obama yordamchisi Ben Rods ma’lum qildi, deyiladi "Kun" nashrida. Ta’kidlanishicha, uchrashuv Pekinda bo‘lib o‘tadi. Rodsning aytishicha, prezidentlar Turkiyadagi vaziyatni, Suriya va Iroqda IShIDga qarshi kurashishni hamda Suriyadagi vaziyat va muhojirlar inqirozini muhokama qilmoqchilar.
Obama va Erdo‘g‘an Pekinga G20 sammitida ishtirok etish uchun keladilar.