Oliy ta’lim muassasalariga o‘qishga kirish uchun 1-avgust kuni o‘tkazilgan imtihonlar natijalari e’lon qilindi, deb “Kun” xabar beradi. "O‘zbekiston" telekanalining "Axborot" dasturida ma’lum qilinishicha, test natijalari 20 avgust kuni ertalab 9:00 da OTM hududlarida osig‘liq bo‘ladi.
Bugun kunning ikkinchi yarmida Click xizmati DTM natijalari e’lon qilinganini tasdiqladi.
DTMning Telegram’dagi @DTMbot boti yoki Click tizimidan foydalanadigan abiturientlar Oliy ta’lim muassasiga o‘qishga qabul
qilinganliklari, uning qanday ko‘rinishda ekani haqidagi xabarnomani qo‘lga kiritishmoqda. Shuningdek, so‘rov jo‘natgan abonentlar SMS orqali javob olishmoqda.
Davlat test markazi sayti (dtm.uz) esa natijalarni e’lon qilishga hozirlanmoqda. Ayni vaqtda kiruvchilar soni me’yoridan oshgani uchun sayt vaqti-vaqti bilan ishlamay qolmoqda.