Peruda ikkita avtobusning o‘zaro to‘qnashuvi oqibatida 17 kishi halok bo‘lgan, deb “Korrenpondent” xabar beradi.
Shuningdek, to‘qnashuv oqibatida 40 kishi jarohatlanganligi aniqlangan. Avtobuslardan biri Kusko shahridan poytaxt Limaga qarab ketayotgan bo‘lsa, ikkinchisi esa Ika shahridan janubga yo‘l olgan. Qurbonlar orasida ikki avtobus haydovchisi borligi aniqlangan. Qolaversa, braziliyalik sayyoh ham bo‘lgan. Hozirda polisiya xodimlari avtohalok sabablari va qurbonlar shaxsini aniqlash bilan shug‘ullanmoqda.