Android operasion tizimi 2016 yil 2-choragida Hindistondagi ulushini 97,1 foizgacha oshirdi. Bu ma’lumotlar Strategy Analytics kompaniyasi tadqiqotlaridan asosida “Kun” xabar beradi.Taqqoslash uchun, 2015 yil aprel-iyunida Android mamlakat bozorining 90 foizini egallagandi.
Bu orada Apple iOS operasion tizimining ulushi 4,5 foizdan 2,4 foizgacha qisqartirdi, qolgan operasion tizimlarga esa bozorning 0,5 foiz ulushi to‘g‘ri kelmoqda.
Hindistonda yilning 2-choragida etkazib berilgan Android negizidagi smartfonlar 29,8 mln donani tashkil qildi, bu bir yil avvalgi ko‘rsatkichdan 28,4 foizga ko‘proqdir. Apple iOS negizidigi smartfonlar etkazib berilishi esa 33 foizga kamayib, 0,8 mln donani tashkil qilmoqda.
Apple iOS ulushi va bu operasion tizim negizidagi smartfonlar etkazib berilishining pasayishi ularga o‘rnatilgan juda yuqori narxlar bilan tushuntirilmoqda.
Hindistonga etkazib berilgan smartfonlar soni 2-chorakda 19 foizga oshib, 30,7 mln donagacha etdi. Strategy Analytics kompaniyasi buni Hindiston ayni vaqtda Xitoy va AQShdan keyin dunyoda uchinchi raqamli smartfonlar bozori hisoblanishi bilan tushuntirmoqda.