Bugun, 20 iyul kuni o‘zbekistonlik taniqli model, xonanda va aktrisa Aziza Halilova farzandli bo‘ldi. Bu haqda uning turmush o‘rtog‘i Rustam Avezov ijtimoiy tarmoqdagi shaxsiy sahifasi orqali xabar bermoqda. Bu haqda "Qalampir"
ma’lum qildi.
Ma’lumotlarga qaraganda, Rustam va Aziza qiz farzandli bo‘lishgan. Ayni damda o‘zbek shou-biznesining taniqli vakillari ijtimoiy tarmoqlar orqali Halilovani tabriklashmoqda.
Aziza Halilova faoliyatini modellikda boshlagan bo‘lib, xonandalikka ham qo‘l urgandi. U qo‘shiqchilikdagi ijodi davomida bor-yo‘g‘i 8ta qo‘shiq kuylagan, xolos. Tinglovchilar uni “Afruz” guruhi bilan kuylagan dueti orqali yaxshi tanishadi. Shuningdek, u suratga tushgan “Yangi boy” filmi ham tomoshabinlar orasida ancha ommalashgan edi.
1991 yilning 10 yanvarida tavallud topgan aktrisa Malayziyada tahsil oldi va bir qator taniqli brendlarning reklamalarida ishtirok etdi. Modellik faoliyati bilan professional darajada shug‘ullanib kelayotgan Halilova 2015 yilning 19 noyabr kuni tadbirkor Rustam Avezovga turmushga chiqqan edi.
Fursatdan foydalanib, Aziza Halilovani hayotidagi quvonchli voqea bilan muborakbod etib, ona va bolaga sihat-salomatlik tilaymiz.