O‘zbekistonning Namangan viloyati huquq-tartibot muassasalari xodimlari mamlakatga qalbaki dollarlar olib kirayotgan guruhni qo‘lga oldi, deb xabar berdi Ichki ishlar vazirligi xodimi RIA “Novosti” axborot agentligiga, deyiladi "Kun" nashrida. "O‘zbekistonning Turkiyadan qalbaki dollarlar etkazish kontrabanda kanalini tashkil etgan 4 nafar fuqarosi qo‘lga olindi", deb ma’lum qildi manba. Uning aytishicha, qo‘lga olinganlar Turkiyaga safarlaridan birida ularga O‘zbekistonda qalbaki valyutani o‘tkazish taklifini bildirgan sobiq hamyurtlari bilan jinoiy aloqa o‘rnatganlar.
IIV ma’lumotlariga ko‘ra, tezkor-qidiruv tadbirlari davomida 100 va 50 dollarlik banknotalarda 50 ming dollardan ko‘proq qalbaki dollar kontrabanda qilingani o‘rnatilgan. Ushbu holat yuzasidan jinoiy ish qo‘zg‘atildi, tergov olib borilmoqda.
Bu O‘zbekistonda oxirgi vaqtda yuz bergan ikkinchi shunday holatdir. Fevralda Andijon viloyat sudi 3 nafar o‘zbekistonlikdan iborat jinoiy guruhni qalbaki valyuta kontrabandasi kanalini yo‘lga qo‘yganlik uchun 5 yildan 6 yilgacha ozodlikdan mahrum etgandi. Bu holatda ham 50 ming dollardan ko‘proq hajmdagi valyuta Turkiyadan olib kirilgan.