«Замин»ни Telegram’да ўқинг! Join!
Zamin.uz
, 24 2020, 08:58
ЎЗO‘Z

Блокчейн ҳақида сиз билмайдиган 8 та факт

06 янв, 20:10 1 395 Технология
Блокчейн ҳақида сиз билмайдиган 8 та факт
Кўпчилик блокчейн технологиясига криптовалюталар транзакцияси асоси сифатида эътибор қаратади. Бироқ унинг имкониятлари молиявий битимлардан кўра юқорироқ. Қуйида бу инқилобий технология ҳақида айрим қизиқ аммо кўп тарқалмаган маълумотларни келтирамиз.

Блокчейндан илмий тадқиқотлар натижаларини кузатиш учун фойдаланиш мумкин
Scientific American журнали маълумотларига кўра, ҳар йили 2.5 миллионта илмий ишлар чоп этилади. Кўпинча муаллифларга натижаларни текшириш қийинчилик туғдириши мумкин. Блокчейн ушбу вазиятда ёрдамга келиши мумкин. Scientific American қуйидагича ёзади:

“Блокчейн маълумотларни нашр этиш ва тасдиқлашни сезиларли даражада соддалаштиради ва тезлаштиради - тажрибалар натижаларини ўзгартириш ёки сохталаштиришнинг иложи бўлмайди”.

2024 йилга келиб блокчейн технологиялар бозори $60 млрдга етади
2017 йилда блокчейнга асосланган технологиялар бозори 708 миллион долларни ташкил қилар эди. Прогнозларга кўра, 2024 йилга келиб уларнинг умумий ҳажми $60.7 млрдни ташкил этади. Бундай ўсишнинг асосий қисми молиявий хизматлар бозорига тўғри келади.

Айрим технокомпаниялар аллақачон блокчейнни сотишдан даромад олмоқда
Американинг NVIDIA ҳамда AMD (Advanced Micro Devices) ширкатлари томонидан тақдим этилаётган график карталар криптовалюталар ишлаб чиқиш ва блокчейн билан ишлаш имконини беради.

Яқинда NVIDIA раҳбари Хуан Женсюннинг CNBC’га айтишича, технология тубдан янги шаклга ўтмоқда ва у биз билан узоқ вақт қолади.

Блокчейн медиа бозордаги шаффофликни оширади
Salon Media Group реклама учун шартномалар ва тегишли тўловларни қайд этиш учун блокчейн технологиясига асосланган реестрдан фойдаланмоқда. Ўз навбатида Unilever корпорацияси АҚШда реклама майдонларни сотиб олиш ва унинг транзаксияларини кузатишда IBMнинг блокчейн технологиясидан фойдаланмоқда.

Технология ёрдамида электр таъминотлар тармоғини бошқариш мумкин
Блокчейн электр энергия истеъмолчилари ва уни етказиб берувчилари ўртасидаги ўзаро боғлиқликни замонавийлаштириш имконини беради. Маълумотлар автоматик тарзда ягона реестрда сақланади.

Блокчейн транспорт саноатини тубдан ўзгартириши мумкин
Дунё бўйлаб минглаб юкларни ташиш устидан назорат компаниялар учун жиддий муаммо ҳисобланади. Блокчейн ушбу жараённи ҳужжатлар айланишини электрон шаклга ўтказиш орқали соддалаштириши мумкин. Bloomberg’нинг яқинда чоп этилган мақоласида айтилишича, 1960-йилларда контейнерлар ўлчамларининг стандартлаштирилиши соҳада инқилобни амалга оширган. Агар блокчейн логистикани ҳақиқатдан соддалаштирса, бутун дунё бўйлаб товарлар арзонлашади.

Технологиядан радиочастоталарни бошқаришда фойдаланиш мумкин
Ҳозирги кунда АҚШда тижорий радиостансиялар учун чекланган частота диапазони мавжуд. Унинг баъзи тармоқлари умумий уяли алоқа учун ишлатилади, бошқалари ҳукумат ташкилотлари фойдаланиши учун, учинчи хиллари эса WiFi каби технологиялар учун мўлжалланган. Блокчейн радиочастоталарни бошқариш ва талаб ҳажмига қараб диапазонларни тақсимлашга имкон беради.

Рақамли паспортлар блокчейнда ишлайди
Дунё бўйлаб миллиардлаб одамлар ўзларининг шахсини тасдиқлашга [ҳужжат билан] қийналишади. Microsoft буни ўзгартиришни хоҳлайди. Айни пайтда компания марказлаштирилмаган рақамли идентификация тизимини ишлаб чиқмоқда. Тизим ҳар бир инсонга уникал рақам беради. У банк хизматларидан фойдаланишда, соғлиқни сақлашда ва ҳатто дунё бўйлаб саёҳат қилишда ишлатилиши мумкин.

“Замин” янгиликларини “Telegram”да кузатиб боринг
Мавзуга оид янгиликлар
  • Ўзбекистонда янги блокчейн лойиҳалари жорий этилади 15 ноя, 07:56
  • Чўлда ақлли блокчейн-шаҳар қурилади (фото) 08 ноя, 13:10
  • Президент қарори: Ўзбекистонда «блокчейн» технологиялари жорий қилинади 04 июл, 21:00
  • Ўзбекистонда криптовалюта легаллаштирилиши рад этилди 23 май, 11:56
  • Ўзбекистонда блокчейн технологиясини ривожлантириш масаласи муҳокама қилинди 21 мар, 14:30
  • Сўнгги янгиликлар
  • Ҳарвард университети Қуръон оятини адолатнинг энг яхши эътирофи деб топди 24 янв, 08:28 130
  • Қўлга олинган шахслар ҳимояси учун янги лойиҳа ишлаб чиқилди 24 янв, 08:00 138
  • Украина аҳолиси рекорд даражада қисқариб бормоқда 24 янв, 07:31 546
  • Инсонга юқтирилган коронавируснинг дастлабки белгилари қандай? 24 янв, 07:01 584
  • Грейпфрут озишга ёрдам бериши мумкин 24 янв, 06:30 184
  • Ўзбекистондаги банкоматлардан 2019 йилда қанча пул ечиб олингани маълум қилинди 24 янв, 06:00 266
  • Бокира гўзаллик: Қорақалпоғистон саҳросидан мафтункор суратлар 24 янв, 00:23 893
  • "Умид авто лизинг" юзлаб фуқаролар умидини пучга чиқарди 24 янв, 00:02 1 245
  • Хитойдаги янги коронавирус манбаи аниқланди 23 янв, 23:40 1 976
  • Россия ва Беларусда ягона валюта қачон жорий этилиши маълум бўлди 23 янв, 23:20 966
  • Бўлимлар