Бугунги кунда инсонларда қишда ҳам ёзда ҳам кондиционерларга бўлган эҳтиёж жуда ҳам юқори. Шундан келиб чиқсак, дастлабки кондиционерлар қаерда ва қачон ихтиро қилингани барчага қизиқ туюлади. Қуйида сизга дунёда яратилган илк кондицонерлар ҳақида қизиқ маълумотлар бериб ўтамиз. Яқин тарихга назар солсак, илк кондиционерлар Бруклин шаҳрида 1902 йилда ихтиро қилинган. Ушбу маълумотнинг ўзи ҳам Бруклин АҚШдаги энг зах ва совуқ шаҳарлардан бири эканлигини кўрсатиб турибди. Ушбу соҳада дастлаб Ню-Йоркликлар томонидан амалга оширилган ихтироларга ишлов бериш ва уни оммалаштириш Бруклинлик ёш муҳандис Уллис Керриер учун муаммо эмасди.
Аввалги қурилмалардаги энг катта муаммо бу жуда юқори даражадаги иссиқлик берилиши моторларнинг эриб кетишига сабаб бўлаётгани эди. Ва ниҳоят, York Times газетасида ёзилган хабарга кўра, ушбу тизим 1902 йилнинг ёзида йўлга қўйилди ва Карриер компанияси Carrier Corporation'ни ташкил этишга киришди. Бу ихтиронинг амалга оширилиш сабабларидан энг асосийси бир неча босмахоналарда босилаётган китоб ёки журналларнинг нашрдан кейин тез қуримаётгани бўлиб, Бруклин шаҳрида захлик даражаси жуда ҳам юқори эди.
Кондиционернинг ишлаш механизми ҳақидаги ғоя олимда шаҳарни туманда кезиб юрган кезда пайдо бўлган. Карриер намликдан қутулишнинг ягона чораси бу ҳавони совутиш деган фикрга келган эди. Ечим сифатида сунъий туман ҳосил қилиш орқали ҳавони қуритишни йўлга қўйган.
Бруклиндаги 1902 йилда амалган оширилган ушбу совутиш машиналаридаги ўзгартиришлар замонавий кондиционерларнинг пайдо бўлишига замин яратди. Чунки бугунги кунда бўлгани каби, Карриернинг ихтироси қуйидаги тўрт асосий нарсани амалга оширарди: ҳарорат, намлик, ҳаво айланиши ва шамоллатиш ҳамда ҳавони тозалаш.