Фото: «Android Authority»«Xiaomi» компанияси 108 Мп камерали смартфонини тақдим этди. «Mi Mix Alpha» — сиз учратган смартфонлар орасида бунақаси бўлмагани аниқ.
#google #android Xiaomi’s Mi Mix Alpha is almost entirely made of screen https://t.co/NpQwA2dAbo
— Sidki kboubi (@SidkiTn) September 24, 2019
Хўш, смартфоннинг нимаси эътиборга лойиқ?
Биринчидан, — смартфон корпусининг 180,6 фоизи (!) экрандан иборат. Фақат тепаси ва пастида озгина жой, ортидаги камера учун ажратилган вертикал линия экрандан холи, холос.
Иккинчидан, «Mi Mix Alpha»нинг камераси бошқача: илк маротаба 108 Мп сенсорли камерани «Xiaomi» компанияси «Samsung» билан бирга яратди. Қўшимча камералари ҳам чаккимас: кенг бурчакли 20 мегапикселли ҳамда телеобъективли 12 мегапикселли камераси бор.
Учинчидан, бу «Xiaomi»нинг илк 5G-смартфони.
«Mi Mix Alpha» йил охиригача сотувга чиқарилиши айтилмоқда. Аммо адади чекланган. Нархи: 19 999 юань — 2 800 АҚШ доллари атрофида.