Алоқа хавфсизлиги нуқтаи назаридан Telegramда фойдаланиладиган дастурий таъминот WhatsApp коммуникацияларидан кўра хавфсизроқ. Бу ҳақда РИА Новостига Россия Президенти Владимир Путиннинг рақамли ва технологик ривожланиш бўйича махсус вакили Дмитрий Песков маълум қилди.«Албатта, WhatsApp ва Telegramдан фойдаланишни танлашда алоқа хавфсизлиги нуқтаи назаридан Telegeram мақбул вариант», деди жаноб Песков. Унинг ўзи иккала мессенжердан ҳам фойдаланади.
Шу билан бирга, Россия Федерацияси Президентининг Махсус вакили мутлақо хавфсиз алоқа воситалари мавжуд эмаслигини айтди. «Биз квант мессенжерини яратмагунимизча, хавфсиз воситалар йўқ», деди жаноб Песков.
Россия ҳукумати амалдорлари учун квант технологияларига асосланган бундай мессенжерларни яратиш масаласи муҳокама қилинаяптими деган саволга махсус вакил: "Агар биз бунинг реал имкониятини топа олсак, албатта, биз буни амалга оширамиз. Аммо ҳозирча бу жуда узун бир ҳикоя» деди.
Рақамли ва технологик ривожланиш бўйича махсус вакилнинг ушбу баёноти 16 cентябрь кунги МХАнинг собиқ агенти Сноуденнинг WhatsApp ва Telegramнинг хавсизлиги борасидаги шубҳалари фонида тарқалди. Эслатиб ўтамиз, расмий Москва Telegram мессенжерини блоклаган эди.