Samsung компанияси 25 апрель куни Тошкентда Samsung Galaxy S6 edge смартфони тақдимотини ўтказади. Facebook’даги Samsung Mobile Uzbekistan саҳифасида маълум қилинишича, тақдимот маросими “Туркистон” саройининг ёзги саройида, соат 17:00да бошланади.
Маълумот учун, Galaxy S6 ва S6 edge смартфонларининг халқаро тақдимоти 1 март куни бўлиб ўтган, март ойи охирларида эса қурилма Тошкент технобозорларида пайдо бўлган, дастлабки савдолардан кейинги бири ҳафта ичида 600 минг сўмга арзонлашишга ҳам улгурганди.
Қайд этиш жоиз, Samsung компанияси сўнгги бир неча йилдан бери Тошкентда ўзининг флагман мобил қурилмалари тақдимотини ўтказишни одат тусига киритди. Хусусан, 2012 йил июнида Samsung Galaxy S3, 2014 йил апрелида эса Samsung Galaxy S5 тақдимоти Тошкентда ўтказилган эди.