Таниқли инсайдер Эван Бласснинг Твиттердаги саҳифасида ҳали анонси ўтказилмаган Samsung Galaxy J3 (2017) моделининг тасвири эълон қилинди. Бласснинг блогида ёзилишича, мазкур смартфон SM-J327 модел кодига эга бўлади. Шунингдек, блогда келтирилган ахборотга кўра, SM-J3119 модель коди Galaxy J3 Pro қурилмасига тегишли.Аввалроқ мазкур моделнинг Хитой телекоммуникация қурилмаларини рўйхатга олиш базасида (TENAA) пайдо бўлганлиги ҳақида сайтимизда ёзган эдик. Ҳозиргача мавжуд маълумотларга қараганда, Samsung Galaxy J3 (2017) Snapdragon 430 процессорида ишлайди, 1,5 ёки 2 ГБ оператив хотирага эга бўлиши мумкин. Модель Android операцион тизимининг 6.0.1 Marshmallow версияда фаолият кўрсатади.
Ҳозирча янги смартфоннинг тақдимот санаси маълум эмас.